جسٹس قاضی فائز عیسیٰ نے وزیراعظم عمران خان کو بالکل درست نوٹس جاری کیا اور اب ہم بھی کریں گے۔۔۔ چیف جسٹس لاہور ہائیکورٹ نے صاف صاف وارننگ جاری کردی

 

لاہور (ویب ڈیسک)چیف جسٹس لاہور ہائی کورٹ نے ریمارکس دئیے کہ وفاق صوبے میں مداخلت کررہاہے سپریم کورٹ کے جسٹس قاضی فائز نے وزیراعظم کو صحیح نوٹس دیا، ہم بھی انہیں نوٹس جاری کرینگے،یہ تو حکومت کا سب سے بڑا لطیفہ ہوگیا، اربوں روپے یہاں وزیراعظم اور وزیراعلی اپنے ضلع پر خرچ کررہے ہیں۔

چیف جسٹس لاہور ہائیکورٹ قاسم خان نے کرتارپور روڑکی تعمیر سے متعلق کیس کی شکرگڑھ بار ایسوسی ایشن کی درخواست کی سماعت کی۔ ایڈیشنل اٹارنی جنرل، شکر گڑھ بار ایسوسی ایشن کی جانب سے ہائیکورٹ بار کے صدر نصراللہ وڑائچ اور دیگر عدالت میں پیش ہوئے۔چیف جسٹس قاسم خان نے استفسار کیا کہ کرتارپور پراجیکٹ وفاقی حکومت نے کیسے بنایا، مذہبی عقیدت مند اگر لاہور سے کرتار پور جانا چاہیں تو سڑک کی حالت ہی خراب ہے، آپ نے کوئی نئی جگہ تو نہیں بنائی یہ تو مذہبی جگہ ہے اور ہمیشہ سے ہے۔