کراچی: قطر کے قونصل جنرل مشال ایم الانصاری نے کہا ہے کہ دوحہ آئندہ سالوں میں پاکستانیوں کے لیے ملازمت کے مواقع کو موجودہ ڈیڑھ لاکھ سے بڑھا کر 3 لاکھ سے زائد کرنے کا ارادہ رکھتا ہے۔
قطری قونصل جنرل نے یہ بیان کورنگی ایسوسی ایشن آف ٹریڈ اینڈ انڈسٹری (کے اے ٹی آئی) کے ارکان سے خطاب کرتے ہوئے دیا۔
انہوں نے کہا کہ پاکستانیوں کی 100 فیصد ملکیت والی کمپنیوں کی تعداد میں نمایاں اضافہ ہوا ہے۔
قونصل جنرل مشال ایم الانصاری نے کہا کہ پاکستان اور قطر کے مابین ایل این جی (لیکویفائیڈ نیچرل گیس) کا معاہدہ ایک بہت بڑا سنگِ میل ہے۔
انہوں نے کہا کہ دونون ممالک دفاعی پیداوار، جے ایف-17 تھنڈر پروجیکٹ، دفاعی تربیت، خوراک، زراعت اور دیگر صنعتوں میں مشترکہ منصوبوں پر کام کررہے ہیں۔
قونصل جنرل کا کہنا تھا کہ کورونا وائرس کی وجہ سے پیدا ہونے والی ہولناک صورتحال کے باوجود ہم فیفا ورلڈ کپ 2022 کی میزبانی کے لیے مکمل طور پر تیار ہیں۔
قطری قونصل جنرل مشال الانصاری نے مزید کہا کہ دیگر کئی میگا انفرa اسٹرکچر پروجیکٹس بھی مکمل ہوچکے ہیں۔
No comments:
Post a Comment