وزیر توانائی پنجاب نے بجلی شکایات پورٹل کا افتتاح کر دیا

 

وزیر توانائی پنجاب ڈاکٹر اختر ملک نے بجلی شکایات پورٹل کا افتتاح کر دیا ہے۔

ڈاکٹر اختر ملک کا اس حوالے سے کہا ہے کہ عوام کی سہولت کے لئے الیکٹریسٹی کمپلینٹ پورٹل کا اجرا کردیا ہے، پنجاب بھر میں بجلی کے صارفین شکایات پورٹل سے مستفید ہوں گے۔

وزیر توانائی پنجاب کا کہنا ہے کہ پورٹل کا مقصد اوور بلنگ ، وائرنگ اور میٹر کی خرابی کا عوام کی دہلیز پر فوری حل ہے، عوام کے مسائل اور زیادہ بل کی شکایات اب ایک کلک پر گھر بیٹھے حل ہوں گی۔

انکا کہنا تھا کہ محکمہ توانائی صارفین کی سہولت کے لئے ہر ممکن اقدام کر رہا ہے، تمام ڈسکوز سے متعلق عوامی شکایات بروقت حل کرانے کا پابند ہوگا

ڈاکٹر اختر ملک نے کہا کہ ہر منصوبہ میں عوام کی فلاح و بہبود پیش نظر ہے، محکمہ توانائی کے الیکٹرک انسپکٹرز پنجاب بھر میں عوام کی خدمت میں حاضر ہیں۔

وزیر توانائی پنجاب کا مزید کہنا تھا کہ گزشتہ سال پورٹل پر لاہور ریجن سے متعلق 206 شکایات موصول ہوئیں، 206 میں سے 196 شکایات کا ازالہ کر دیا گیا ہے۔

وزیر توانائی پنجاب نے بجلی شکایات پورٹل کا افتتاح کر دیا